അടൂര്‍: സിപിഐ നേതാവ് എഐഡിആര്‍എം (അഖിലേന്ത്യാ ദളിത് റൈറ്റ് മൂവ്മെന്റ്) ദേശീയ സമ്മേളനത്തില്‍ വെച്ച് കുഴഞ്ഞുവീണ് മരിച്ചു. കടമ്പനാട് തുവയൂര്‍തെക്ക് നിലയ്ക്കമുകള്‍ ബിജു നിവാസില്‍ ടി ആര്‍ ബിജു (52) ആണ് മരിച്ചത്. ഹൈദ്രാബാദില്‍ എഐഡിആര്‍എം ദേശീയ സമ്മേളനത്തില്‍ പങ്കെടുക്കുമ്പോള്‍ ഇന്ന് രാവിലെ നെഞ്ചുവേദന അനുഭവപ്പെട്ട ബിജുവിനെ സഹപ്രവര്‍ത്തകര്‍ സമീപത്തുള്ള ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. സിപിഐ പത്തനംതിട്ട ജില്ലാ കൗണ്‍സില്‍ അംഗം, എഐടിയുസി സംസ്ഥാന വര്‍ക്കിംഗ് കമ്മിറ്റി അംഗം, കേരള സ്റ്റേറ്റ് ട്രാന്‍സ്പോര്‍ട്ട് എംപ്ലോയീസ് യൂണിയന്‍ സംസ്ഥാന സെക്രട്ടറി, എഐഡിആര്‍എം സംസ്ഥാന കമ്മിറ്റി …

പത്തനംതിട്ട: 56 വര്‍ഷം മുന്‍പ് ഇന്ത്യന്‍ എയര്‍ ഫോഴ്സ് വിമാനം ലഡാക്കില്‍ തകര്‍ന്നു വീണ് കാണാതായ സൈനികരില്‍ രണ്ടു മലയാളികള്‍ കൂടിയുണ്ടെന്ന് ബന്ധുക്കള്‍. പത്തനംതിട്ട, കോട്ടയം ജില്ലകളില്‍ നിന്നുള്ള രണ്ടു പേരെ കുറിച്ചാണ് വിവരം ഇല്ലാത്തത്. ഇലന്തൂര്‍ ഒടാലില്‍ തോമസ് ചെറിയാന്റെ മൃതദേഹം 56 വര്‍ഷത്തിന് ശേഷം കണ്ടെത്തിയെന്ന് വിവരം പുറത്തു വന്നതോടെയാണ് ഇതേ വിമാനത്തില്‍ സഞ്ചരിച്ചിരുന്ന കോട്ടയം സ്വദേശി കെ.കെ. രാജപ്പന്‍, പത്തനംതിട്ട കാട്ടൂര്‍ സ്വദേശി തോമസ് എന്നിവരെക്കുറിച്ച് ബന്ധുക്കള്‍ മാധ്യമങ്ങളോട് പറഞ്ഞത്. പത്തനംതിട്ട കാട്ടൂര്‍ വയലത്തല ഈട്ടിനില്‍ക്കുന്ന കാലായില്‍ ഇ.എം. തോമസിന് …

തിരുവനന്തപുരം: കുത്തിവയ്പ്പ് എടുത്തതിനെ തുടര്‍ന്ന് അബോധാവസ്ഥയിലായ യുവതി മരിച്ചു. കാട്ടാക്കട സ്വദേശി കൃഷ്ണ തങ്കപ്പന്‍ (28) ആണ് മരിച്ചത്. ചികിത്സാ പിഴവാണെന്നാണ് ബന്ധുക്കളുടെ പരാതി. നെയ്യാറ്റിന്‍കര താലൂക്ക് ആശുപത്രിയിലെ ഡോക്ടര്‍ക്കെതിരെ പൊലീസ് കേസെടുത്തു. വയറുവേദനയുമായാണ് കൃഷ്ണയെ ആശുപത്രിയില്‍ പ്രവേശിപ്പിച്ചത്. താലൂക്ക് ആശുപത്രിയില്‍ കുത്തിവയ്പ് നല്‍കി. നേരത്തെ ഇവര്‍ക്ക് ആസ്മയും അലര്‍ജിയും സംബന്ധിച്ച പ്രശ്‌നങ്ങളുണ്ടായിരുന്നു. ഇതൊന്നും പരിഗണിക്കാതെ കുത്തിവയ്പ്പ് നല്‍കിയതോടെ രോഗി അബോധാവസ്ഥയിലായെന്നാണ് ബന്ധുക്കളുടെ പരാതി. ആരോഗ്യസ്ഥിതി വഷളായതോടെ മെഡിക്കല്‍ കോളജിലേക്ക് മാറ്റി. ഇന്ന് രാവിലെ മരണം സംഭവിച്ചു.  

കടമ്പനാട്: കപ്പല്‍ ജീവനക്കാരനായ യുവാവ് തായ്ലാന്‍ഡില്‍ കടലില്‍ മുങ്ങി മരിച്ചു. നെല്ലിമൂട്ടില്‍ പുത്തന്‍വീട്ടില്‍ ( കാവില്‍) മോനച്ചന്റ മകന്‍ സിജു മോനച്ചന്‍ (25) ആണ് മരിച്ചത്. കപ്പലില്‍ നിന്ന് കാല്‍ വഴുതി കടലില്‍ വീണുവെന്നാണ് ചൊവ്വ ഴ്ച പതിനൊന്നോടെ വീട്ടുകാര്‍ക്ക് ലഭിച്ച വിവരം. ഏഴു മാസം മുന്‍പാണ് സിജു മലേഷ്യന്‍ കമ്പനിയുടെ വക കപ്പലില്‍ ജോലിക്ക് ചേര്‍ന്നത്. മൃതദേഹം നാട്ടിലെത്തിക്കാനുള്ള ശ്രമം തുടരുന്നു. സംസ്‌കാരം പിന്നീട്. മാതാവ്: സാലി. സഹോദരി: സിമി.  

കടമ്പനാട് :കടമ്പനാട് വടക്ക് രമ്യാ ഭവനത്തില്‍ രാജന്‍ (71) നിര്യാതനായി. സംസ്‌കാരം തിങ്കളാഴ്ച ഉച്ചകഴിഞ്ഞ് മൂന്നിന് വീട്ടുവളപ്പില്‍.ഭാര്യ: ഓമന, മക്കള്‍: രമ്യ, സൗമ്യ മരുമക്കള്‍: ഹരിദാസ്, അനില്‍കുമാര്‍  

കടമ്പനാട്: ഗ്രാമപഞ്ചായത്ത് മുന്‍ പ്രസിഡന്റ് കടമ്പനാട് വിശ്വംഭരന്‍ നിര്യാതനായി. സിപിഎം അടൂര്‍ ഏരിയ കമ്മിറ്റി അംഗവും പി കെ എസ് സംസ്ഥാന കമ്മിറ്റി അംഗമാണ്. പുലര്‍ച്ചെയായിരുന്നു അന്ത്യം  

അടൂര്‍: ലോഡുമായി വന്ന ലോറി നിയന്ത്രണം വിട്ട് നിര്‍ത്തിയിട്ടിരുന്ന ഓട്ടോയിലേക്ക് പാഞ്ഞു കയറി അയല്‍വാസികള്‍ക്ക് ദാരുണാന്ത്യം. ഓട്ടോറിക്ഷാ ഡ്രൈവര്‍ പോരുവഴി ഇടയ്ക്കാട് ദേവഗിരി പുത്തന്‍പറമ്പില്‍ പുത്തന്‍വീട്ടില്‍ പരേതനായ ജോര്‍ജിന്റേയും തങ്കമ്മയുടേയും മകന്‍ ഡിനു ജോര്‍ജ്(38), അയല്‍വാസി ദേവഗിരി സൂസി കോട്ടേജില്‍ ജോണ്‍സണ്‍(70) എന്നിവരാണ് മരിച്ചത്. തിങ്കളാഴ്ച വൈകിട്ട് 4.45ന് അടൂര്‍-ഭരണിക്കാവ് സംസ്ഥാന പാതയില്‍ തുവയൂര്‍ ജങ്ഷനു സമീപത്തായിരുന്നു അപകടം. തുവയൂരിലെ മെഡിക്കല്‍ സ്റ്റോറില്‍ നിന്നും മരുന്ന് വാങ്ങാന്‍ ഓട്ടോറിക്ഷാ ഡ്രൈവറും അയല്‍വാസിയുമായിരുന്ന ഡിനുവിനൊപ്പം എത്തിയതായിരുന്നു ജോണ്‍സണ്‍. മരുന്നു വാങ്ങി ജോണ്‍സണ്‍ തിരികെ ഓട്ടോയിലേക്ക് കയറിയ …

അടൂര്‍: തുവയൂരിന് സമീപം ഓട്ടോയും ടോറസ് ലോറിയുമായി കൂട്ടിയിടിച്ച് ഓട്ടോ യാത്രക്കാരായ രണ്ടു പേര്‍ മരിച്ചു. കൊല്ലം മലനട ഇടക്കാട സ്വദേശികളായ ടിനു(30), ജോണ്‍സണ്‍ (65) എന്നിവരാണ് മരിച്ചത്. ഇന്ന് വൈകിട്ട് നാലേമുക്കാലോടെയാണ് അപകടം നടന്നത്. ഈ ഭാഗത്ത് ടിപ്പര്‍ ലോറികള്‍ അമിത വേഗതയില്‍ പായുകയാണ്. ലോഡുമായി വന്ന ലോറിയാണ് അപകടം ഉണ്ടാക്കിയത്. ഡിവൈ.എസ്പി ആര്‍. ബിനു, ഏനാത്ത് ഇന്‍സ്പെക്ടര്‍ കെ.ആര്‍. മനോജ് കുമാര്‍ എന്നിവരുടെ നേതൃത്വത്തില്‍ രക്ഷാപ്രവര്‍ത്തനം നടത്തി.  

അടൂര്‍: എംസി റോഡില്‍ ഏനാത്ത് പുതുശേരി ഭാഗത്ത് മാരുതി കാറുകള്‍ നേര്‍ക്കു നേരെ കൂട്ടിയിടിച്ച് ദമ്പതികള്‍ മരിച്ചു. അഞ്ചു പേര്‍ക്ക് പരുക്ക്. മടവൂര്‍ വലംപിരിപിള്ളി മഠത്തില്‍ രാജശേഖരന്‍ ഭട്ടതിരി(66), ഭാര്യ ശോഭ (62), എന്നിവരാണ് മരിച്ചത്. ഇവരുടെ മകന്‍ നിഖില്‍ രാജ്(32), ചടയമംഗലം അനസ്സ് മന്‍സില്‍, അനസ്സ് (26) മേലേതില്‍ വീട്ടില്‍ ജിതിന്‍ (26), അജാസ് മന്‍സില്‍ അജാസ് (25) , പുനക്കുളത്ത് വീട്ടില്‍ അഹമ്മദ് (23) എന്നിവര്‍ക്കാണ് പരുക്ക്. മടവൂര്‍ ഭാഗത്ത് നിന്നും പന്തളം കുളനട ഭാഗത്തേക്ക് യാത്ര ചെയ്തിരുന്ന സെലിറിയോ കാറും …

കൊല്ലം: എംസി റോഡില്‍ കുളക്കടയില്‍ കാറുകള്‍ തമ്മില്‍ കൂട്ടിയിടിച്ച് ദമ്പതികള്‍ മരിച്ചു. പള്ളിക്കല്‍ ബിനീഷ് ഭവനില്‍ ബിനീഷ് കൃഷ്ണന്‍ (32) , ഭാര്യ അഞ്ചു (30)എന്നിവരാണ് മരിച്ചത്. ഇവരുടെ രണ്ടര വയസുള്ള മകള്‍ ശ്രേയയെ ഗുരുതര പരുക്കുകളോടെ കൊല്ലം മെഡിസിറ്റിയില്‍പ്രവേശിപ്പിച്ചു. ഇന്ന് പുലര്‍ച്ചെ ഒരു മണിയോടെയായിരുന്നു അപകടം. ഇവര്‍ സഞ്ചരിച്ചിരുന്ന കാറില്‍ മറ്റൊരു കാര്‍ വന്നിടിക്കുകയായിരുന്നു. കാര്‍ ഓടിച്ചിരുന്ന അടൂര്‍ ചൂരക്കോട് സ്വദേശി അരവിന്ദ് സന്തോഷിനെ പരുക്കുകളോടെ കൊട്ടാരക്കരയിലെ സ്വകാര്യ ആശുപത്രിയില്‍ പ്രവേശിപ്പിച്ചു.