കൊച്ചി:കേരളത്തില്‍ രണ്ടാം ശനിയും നാലാം ശനിയും ഒഴികെയുള്ള ശനിയാഴ്ചകള്‍ ഇനി ബാങ്കുകള്‍ക്ക് പ്രവൃത്തി ദിനമായിരിക്കും. കോവിഡ്-19 വ്യാപനം തടയുന്നതിനുള്ള നടപടികളുടെ ഭാഗമായി എല്ലാ ശനിയാഴ്ചകളിലും ഏര്‍പ്പെടുത്തിയ ബാങ്ക് അവധി പിന്‍വലിച്ചതായി സംസ്ഥാനതല ബാങ്കേഴ്സ് സമിതി (എല്‍.എല്‍.ബി.സി.) അറിയിച്ചു. നേരത്തെയുള്ളതുപോലെ രണ്ടാം ശനി, നാലാം ശനി ദിവസങ്ങള്‍ മാത്രമായിരിക്കും ഇനി ബാങ്ക് അവധി. അതായത്, ആദ്യ ശനി, മൂന്നാം ശനി, അഞ്ചാം ശനി (ഉണ്ടെങ്കില്‍) എന്നിവ സാധാരണഗതിയില്‍ ബാങ്കുകള്‍ പ്രവര്‍ത്തിക്കും.  

തിരുവനന്തപുരം: വിവാദമായ പൊലീസ് ആക്ട് ഭേദഗതി നടപ്പാക്കേണ്ടതില്ലെന്ന് മുഖ്യമന്ത്രി പിണറായി വിജയന്റെ തീരുമാനം. സിപിഎം കേന്ദ്ര നേതൃത്വത്തിന്റെ നിര്‍ദ്ദേശ പ്രകാരമാണ് ഇത്. ആക്ടിലെ ഭേദഗതി പുനപരിശോധനയ്ക്ക വിധേയമാക്കുമെന്ന സിപിഎം ജനറല്‍ സെക്രട്ടറി സീതാറാം യെച്ചൂരിയുടെ ഡല്‍ഹി പ്രഖ്യാപനത്തിന് പിന്നാലെയാണ് പിണറായിയുടെ തീരുമാനം. നിയമസഭയില്‍ ചര്‍ച്ച നടത്തിയ ശേഷമേ ഇക്കാര്യത്തില്‍ തുടര്‍ നടപടിയുണ്ടാകൂവെന്നും മുഖ്യമന്ത്രി വ്യക്തമാക്കിയിട്ടുണ്ട്. ഇന്ന് രാവിലെ ചേര്‍ന്ന സിപിഎം സെക്രട്ടറിയേറ്റ് യോഗവും ഇക്കാര്യം ചര്‍ച്ചയാക്കിയിരുന്നു. പൗരന്റെ വ്യക്തിസ്വാതന്ത്ര്യവും ഭരണഘടനാദത്തമായ അന്തഃസ്സും ചോദ്യം ചെയ്യുന്ന രീതിയില്‍ സാമൂഹ്യമാധ്യമങ്ങളിലൂടെയും അല്ലാതെയും വ്യാപകമായി നടക്കുന്ന ദുഷ്പ്രചാരണങ്ങള്‍ തടയാനുള്ള …

തിരുവനന്തപുരം: കോവിഡ് രോഗികള്‍ക്ക് വീട്ടിലിരുന്നു വോട്ടുചെയ്യാം. ഇതിനായി പോളിങ് ഓഫിസറും അസിസ്റ്റന്റ് പോളിങ് ഓഫിസറും കോവിഡ് രോഗികളുടെ വീട്ടിലെത്തുമെന്ന് സംസ്ഥാന തിരഞ്ഞെടുപ്പ് കമ്മിഷണര്‍ വി.ഭാസ്‌കരന്‍ പറഞ്ഞു. നീരീക്ഷണത്തിലുള്ള രോഗികള്‍ക്കും ഈ സൗകര്യം ലഭ്യമാകും. വോട്ടെടുപ്പിന് തലേ ദിവസം മൂന്ന് മണിക്ക് മുന്‍പ് കോവിഡ് പോസിറ്റീവ് ആകുന്നവര്‍ക്കാണ് ഈ സൗകര്യം ലഭിക്കുക. മൂന്ന് മണിക്ക് ശേഷം കോവിഡ് രോഗിയാവുകയാണെങ്കില്‍ അവസാന മണിക്കൂറില്‍ സുരക്ഷാകിറ്റ് ധരിച്ച് വോട്ടു ചെയ്യാമെന്നും അദ്ദേഹം പറഞ്ഞു.  

തിരുവനന്തപുരം: കോവിഡ്ബാധിതരുടെ വീടുകളില്‍ തിരഞ്ഞെടുപ്പ് ഉദ്യോഗസ്ഥരെത്തി തപാല്‍വോട്ട് ചെയ്യിപ്പിക്കുന്നത് പരിഗണനയില്‍. വോട്ടറെ എസ്.എം.എസ്. മുഖേന മുന്‍കൂട്ടി അറിയിച്ചശേഷം തപാല്‍ ബാലറ്റ്, ഡിക്ലറേഷന്‍ ഫോറം, രണ്ടുകവറുകള്‍, അപേക്ഷാഫോറം എന്നിവയുമായി പ്രിസൈഡിങ് ഓഫീസര്‍ പദവിയിലുള്ള ഉദ്യോഗസ്ഥരെത്തി വോട്ടു ചെയ്യിപ്പിച്ച് നടപടികള്‍ വീഡിയോയില്‍ ചിത്രീകരിക്കും. പോലീസ് സുരക്ഷയുമുണ്ടാകും. വോട്ടെടുപ്പിന് മൂന്നുദിവസം മുമ്പ്, ശേഷമുള്ളവര്‍ എന്നിങ്ങനെ കോവിഡ് ബാധിതരെ രണ്ടായി തിരിച്ചാണ് ക്രമീകരണം. ആദ്യവിഭാഗത്തിലുള്ളവരെയാണ് ഉദ്യോഗസ്ഥര്‍ സന്ദര്‍ശിച്ച് വോട്ടുചെയ്യിപ്പിക്കുന്നത്. ആരോഗ്യവകുപ്പ് ഉദ്യോഗസ്ഥര്‍ പോളിങ്ങിന് പത്തുദിവസംമുമ്പത്തെ കോവിഡ് രോഗികളുടെ വിവരങ്ങള്‍ ശേഖരിക്കും. തുടര്‍ന്ന് ഓരോപ്രദേശത്തേയും തുടര്‍ച്ചയായി ആറുദിവസം നിരീക്ഷിക്കും. വരണാധികാരികള്‍ക്ക് ലഭ്യമാകുന്ന …

പത്തനാപുരം: വയോജനങ്ങളുടെയും നിരാലംബരുടെയും ആശാകേന്ദ്രമായ ഗാന്ധിഭവനില്‍ കോവിഡ് വ്യാപിക്കുന്നു. യുറോപ്യന്‍ രാജ്യങ്ങളില്‍ വൃദ്ധസദനങ്ങളില്‍ രോഗം പകര്‍ന്നതിന് സമാനമാണ് ഇവിടെയും സ്ഥിതി. ഗുരുതരമായ രോഗം ബാധിച്ചവരും പ്രായമേറിയവരും ഏറെയുള്ളതിനാല്‍ സ്ഥിതി സങ്കീര്‍ണമാണ്. കഴിഞ്ഞ ദിവസം ഇവിടെ പരിശോധന നടന്നിരുന്നു. ആരോഗ്യവകുപ്പിന്റെ മൊബൈല്‍ യൂണിറ്റാണ് പരിശോധനയ്ക്ക് എത്തിയത്. പരിശോധിക്കുന്നവര്‍ക്കെല്ലാം പോസിറ്റീവ് ആയിരുന്നു. പോസിറ്റിവിറ്റി റേറ്റ് കണ്ട് പരിശോധനയ്ക്ക് എത്തിയവരും ഞെട്ടി. 400 പേരെ പരിശോധിച്ചപ്പോള്‍ 322 പേര്‍ക്ക് രോഗം സ്ഥിരീകരിച്ചുവെന്നാണ് ഔദ്യോഗിക കണക്ക്. രോഗവ്യാപന തോത് കൂടുതലാണെന്ന് കണ്ട് ഒടുക്കം പരിശോധന നിര്‍ത്തി വയ്ക്കുകയായിരുന്നു. ഗാന്ധിഭവനിനെ അതീവ …

പത്തനംതിട്ട: ഇന്‍ഡേന്‍ ഗ്യാസ് സിലിണ്ടര്‍ ബുക്ക് ചെയ്യണമെങ്കില്‍ രജിസ്റ്റര്‍ ചെയ്ത മൊബൈലില്‍ നിന്ന് വിളിക്കുകയോ എസ്എംഎസ്, വാട്സാപ്പ് സന്ദേശങ്ങള്‍ അയയ്ക്കുകയോ ചെയ്യണം. രാജ്യമൊട്ടാകെ സിലിണ്ടര്‍ ബുക്ക് ചെയ്യാന്‍ ഒറ്റ നമ്പര്‍ എന്ന സംവിധാനം ഇന്‍ഡേനില്‍ നിലവില്‍ വന്നത് നവംബര്‍ ഒന്നു മുതലായിരുന്നു. തൊട്ടുപിന്നാലെ ഈ നമ്പര്‍ കിട്ടുന്നില്ലെന്ന പരാതി വ്യാപകമായി ഉയര്‍ന്നു. ഏജന്‍സികള്‍ക്ക് മുന്നില്‍ ഉപയോക്താക്കള്‍ തടിച്ചു കൂടുകയും ചെയ്തു. വ്യാപകമായി പരാതി ഉയര്‍ന്ന സാഹചര്യത്തിലാണ് ഇതു സംബന്ധിച്ച് വിശദീകരണം വന്നിട്ടുള്ളത്. ഇന്‍ഡേനുമായി രജിസ്റ്റര്‍ ചെയ്തിട്ടുള്ള മൊബൈല്‍ നമ്പരില്‍ നിന്ന് വിളിച്ചെങ്കില്‍ മാത്രമേ ബുക്കിനുള്ള …

തിരുവനന്തപുരം: സംസ്ഥാനത്ത് തദ്ദേശ സ്ഥാപനങ്ങളിലേക്കുള്ള തിരഞ്ഞെടുപ്പ് ഡിസംബര്‍ 8, 10, 14 തീയതികളില്‍. കോവിഡ് പശ്ചാത്തലത്തില്‍ 3 ഘട്ടമായാണ് തിരഞ്ഞെടുപ്പ് നടക്കുന്നതെന്നു സംസ്ഥാന തിരഞ്ഞെടുപ്പ് കമ്മിഷണര്‍ വി. ഭാസ്‌കരന്‍ പറഞ്ഞു.നവംബര്‍ 12-ന് വിജ്ഞാപനം പുറപ്പെടുവിക്കും. ഒന്നാം ഘട്ടം ഡിസംബര്‍ 8 (ചൊവ്വ)- തിരുവനന്തപുരം, കൊല്ലം, പത്തനംതിട്ട, ആലപ്പുഴ. ഇടുക്കി,രണ്ടാം ഘട്ടം- ഡിസംബര്‍ 10(വ്യാഴം)- കോട്ടയം, എറണാകുളം, തൃശൂര്‍, പാലക്കാട്, വയനാട്. മൂന്നാം ഘട്ടം- ഡിസംബര്‍ 14(തിങ്കള്‍)- മലപ്പുറം. കോഴിക്കോട്, കണ്ണൂര്‍, കാസര്‍കോട് ഡിസംബര്‍ 16ന് വോട്ടെണ്ണല്‍ നടക്കും. വോട്ടെടുപ്പ് സമയം രാവിലെ 7 മുതല്‍ …

കൊച്ചി: ഇന്ത്യന്‍ ഓയിലിന്റെ ഇന്‍ഡേന്‍ ഏകീകൃത ഗ്യാസ് സിലിണ്ടര്‍ ബുക്കിങ് നമ്പര്‍ ഉപയോക്താക്കള്‍ക്കും ഏജന്‍സികള്‍ക്കും പണി കൊടുത്തു. ഈ നമ്പരിലേക്ക് വിളിച്ചാല്‍ കോള്‍ കണക്ടാകുന്നില്ല. എസ്എംഎസ് അയച്ച് ബുക്ക് ചെയ്യാമെന്ന് വിചാരിച്ചാല്‍ അതിനും മറുപടിയില്ല. ഓണ്‍ലൈനില്‍ കയറി ബുക്ക് ചെയ്യാനും സാധിക്കുന്നില്ല. വെബ്സൈറ്റ് ജാം ആയിരിക്കുകയാണ്. എന്നാല്‍ എയല്‍ടെല്‍ നമ്പരില്‍ നിന്ന് വിളിക്കുന്നവര്‍ക്ക് ബുക്കിങ് സാധിക്കുന്നുണ്ട്. നവംബര്‍ ഒന്നു മുതലാണ് ഇന്‍ഡേന്‍ ഗ്യാസ് റീഫില്ലിങിന് രാജ്യമെമ്പാടും ഒറ്റ നമ്പര്‍ നിലവില്‍ വന്നിരുന്നു. 7718955555 എന്നതായിരുന്നു നമ്പര്‍ രജിസ്ട്രേഡ് മൊബൈല്‍ നമ്പരില്‍ നിന്ന് ഇതിലേക്ക് വിളിച്ചും …

തിരുവനന്തപുരം: സര്‍ക്കാരിനെതിരെ കേന്ദ്ര ഏജന്‍സികള്‍ അന്വേഷണങ്ങളുമായി രംഗത്തെത്തിയതോടെ മാധ്യമങ്ങളെ വിമര്‍ശിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഇടതുപക്ഷത്തിനെതിരെ മാധ്യമങ്ങള്‍ യുദ്ധം ചെയ്യുകയാണ്. എന്‍ഫോഴ്‌സ്െമന്റ് ഡയറക്ടറേറ്റ് (ഇഡി) അന്വേഷിക്കുന്ന കേസുകളെ മഹത്വവല്‍ക്കരിക്കുന്നു. അസത്യം പ്രചരിപ്പിച്ച് മസ്തിഷ്‌ക പ്രക്ഷാളനം നടത്താനാണു ശ്രമം. ആയിരം നുണ കുറേപ്പേര്‍ ചേര്‍ന്ന് പ്രചരിപ്പിച്ചാല്‍ ചിലര്‍ വിശ്വസിച്ചെന്നു വരും. സിപിഎം ജീര്‍ണതയില്‍പ്പെട്ടെന്നു പ്രചരിപ്പിച്ച് ആശയക്കുഴപ്പമുണ്ടാക്കുന്നതായും കോടിയേരി പറഞ്ഞു.  

തിരുവനന്തപുരം: കേരളത്തില്‍ ഇന്ന് 6638 പേര്‍ക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. ഇന്ന് 28 മരണങ്ങള്‍ സ്ഥിരീകരിച്ചു.5789 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 700 പേരുടെ സമ്പര്‍ക്ക ഉറവിടം വ്യക്തമല്ല.രോഗം സ്ഥിരീകരിച്ച് ചികിത്സയിലായിരുന്ന 7828 പേരുടെ പരിശോധനാഫലം നെഗറ്റീവ് ആയി.കഴിഞ്ഞ 24 മണിക്കൂറിനിടെ 53,981 സാമ്പിളുകളാണ് പരിശോധിച്ചത്. തൃശൂര്‍ 1096, മലപ്പുറം 761, കോഴിക്കോട് 722, എറണാകുളം 674, ആലപ്പുഴ 664, തിരുവനന്തപുരം 587, കൊല്ലം 482, പാലക്കാട് 482, കോട്ടയം 367, കണ്ണൂര്‍ 341, പത്തനംതിട്ട …