കോട്ടയം: പാമ്പാടിയില്‍നിന്ന് കാണാതായ പ്രായപൂര്‍ത്തിയാകാത്ത സഹോദരിമാരെ തിരുവനന്തപുരത്ത് കണ്ടെത്തി. ഇവര്‍ക്കൊപ്പം പ്ലസ് വണ്‍ വിദ്യാര്‍ഥിയും മറ്റൊരു 19 -കാരനെയും പോലീസ് പിടികൂടി. പാമ്പാടി സ്വദേശിനികളായ 16-ഉം 17-ഉം വയസ്സായ പെണ്‍കുട്ടികളെയാണ് വെള്ളിയാഴ്ച വീട്ടില്‍നിന്ന് കാണാതായത്. തിരുവനന്തപുരം തമ്പാനൂരിലെ ലോഡ്ജില്‍നിന്നാണ് ഇവരെ പോലീസ് കണ്ടെത്തിയത്. പെണ്‍കുട്ടികളുടെ സി.സി. ടി.വി. ദൃശ്യങ്ങള്‍ വെള്ളിയാഴ്ച തന്നെ പോലീസിന് ലഭിച്ചിരുന്നു. ഇവര്‍ ബെംഗളൂരുവിലേക്ക് പോവുകയാണെന്ന് സുഹൃത്തിനോട് പറഞ്ഞതിന്റെ അടിസ്ഥാനത്തില്‍ തീവണ്ടികളിലും റെയില്‍വേ സ്റ്റേഷനുകളിലും പോലീസ് നിരീക്ഷണം ഏര്‍പ്പെടുത്തിയിരുന്നു. അതിനിടെ ആറ്റിങ്ങലില്‍ ഒപ്പം പോയതെന്നുകരുതുന്ന 19-കാരന്റെ മൊബൈല്‍ ടവര്‍ ലൊക്കേഷന്‍ കണ്ടെത്തിയിരുന്നു. …

അടൂര്‍: സ്‌കൂളില്‍ മോഷണം നടത്തിയ കേസില്‍ പ്രതി അറസ്റ്റില്‍. കൊല്ലം മങ്ങാട് ശ്രീകുമാരപുരം നഗര്‍ ഹൗസ് നമ്പര്‍ 71 ല്‍ താഴത്തു തൊടിയില്‍ വീട്ടില്‍സുധി (52) നെയാണ് ഏനാത്ത് പോലീസ് അറസ്റ്റ് ചെയ്തത്. നവംബര്‍ ഒന്നിന് രാത്രിയില്‍ കടമ്പനാട് കെ.ആര്‍.കെ.പി.എം.ജി എച്ച്.എസ് വി എച്ച്. എസില്‍ ഓഫീസില്‍ സൂക്ഷിച്ചിരുന്ന 40,000 രൂപ മോഷ്ടിച്ച കേസിലാണ് അറസ്റ്റ്. മൊബൈല്‍ ടവര്‍ ലൊക്കേഷന്‍ കേന്ദ്രീകരിച്ചും സി.സി.ടി.വി യില്‍ പതിഞ്ഞ ദൃശങ്ങളും കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടിയത്. ഏനാത്ത് ഇന്‍സ്പെക്ടര്‍ സുജിത്തിന്റെ നേതൃത്വത്തിലാണ് അറസ്റ്റ് കോടതിയില്‍ ഹാജരാക്കിയ …

കടമ്പനാട് : കെ.ആര്‍.കെ.പി.എം. ബി.എച്ച്.എസ്.എസ്. ആന്‍ഡ് വെക്കേഷണല്‍ ഹയര്‍ സെക്കന്‍ഡറി സ്‌കൂളില്‍ മോഷണം. തിങ്കളാഴ്ച രാത്രിയിലാണ് മോഷണം നടന്നതെന്ന് കരുതുന്നു. പ്രിന്‍സിപ്പലിന്റെ മുറിയിലെ മേശയിലും അലമാരയിലുമായി സൂക്ഷിച്ച 40,000 രൂപ നഷ്ടപ്പെട്ടു. മാനേജരുടെ മുറിയിലും മോഷണശ്രമം ഉണ്ടായി. ഏനാത്ത് പോലീസും വിരലടയാള വിദഗ്ധരും സ്ഥലത്തെത്തി തെളിവെടുത്തു.  

അടൂര്‍: കെഎസ്ആര്‍ടിസി ബസില്‍ വന്നിറങ്ങിയ രണ്ടു യുവാക്കളില്‍ നിന്നായി നാലു കിലോ കഞ്ചാവ് നാര്‍ക്കോട്ടിക് സെല്‍ ഡിവൈഎസ്പിയുടെ നേതൃത്വത്തിലുള്ള സംഘം പിടികൂടി. ഇന്ന് രാവിലെ 10 മണിയോടെയാണ് സംഭവം. ചവറ-പത്തനംതിട്ട ബസില്‍ വന്നിറങ്ങിയ തലയോലപ്പറമ്പ് സ്വദേശി ജോബിന്‍, വള്ളികുന്ന് സ്വദേശി സുമേഷ് എന്നിവരാണ് പിടിയിലായത്. നാര്‍ക്കോട്ടിക് സെല്‍ ഡിവൈഎസ്പി പ്രദീപ് കുമാറിന് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് പ്രതികള്‍ പിടിയിലായത്.  

പത്തനംതിട്ട: കാലിന് പരുക്കേറ്റ രോഗിയുടെ ചികിസാ പിഴവുണ്ടായതിന് നഷ്ടപരിഹാരമായി അടൂര്‍ മരിയ ആശുപത്രി 1.60 ലക്ഷം നല്‍കണമെന്ന് ജില്ലാ ഉപഭോക്തൃ തര്‍ക്ക പരിഹാര കമ്മിഷന്‍ വിധി. ആശുപത്രിക്കും ഡോ. ജിനു തോമസിനുമെതിരെയാണ് ഉത്തരവ്. പറക്കോട് – പുതുമല കാഞ്ഞിരവിളയില്‍ വീട്ടില്‍ സാനു ഡേവിഡ് ആണ് ഉപഭോക്തൃ തര്‍ക്കപരിഹാര കമ്മിഷനില്‍ ഇതു സംബന്ധിച്ച് കേസ് ഫയല്‍ ചെയ്തത്. 1,50,000 രൂപ നഷ്ടപരിഹാരവും 10,000 രൂപ കോടതി ചെലവും നല്‍കാനാണ് വിധി. സാനു ഡേവിഡിന് 2014 സെപ്റ്റംബറില്‍ പത്തനംതിട്ടയ്ക്കടുത്തു വച്ചാണ് അപകടത്തില്‍ പരുക്കേറ്റത്. ചികില്‍സയ്ക്ക് വേണ്ടി അടൂര്‍ …

അടൂര്‍: കെഎസ്ആര്‍ടിസി ബസില്‍ യാത്രക്കാരിയുടെ പഴ്സില്‍ നിന്ന് പണം മോഷ്ടിച്ച മൂന്നംഗ തമിഴ് നാടോടി സ്ത്രീകളെ പൊലീസ് അറസ്റ്റ് ചെയ്തു.പ്രത്യേക പരിശീലനം സിദ്ധിച്ച സ്ത്രീകള്‍ അറുപത്തഞ്ചുകാരിയുടെ സാമര്‍ഥ്യത്തിന് മുന്നിലാണ് കീഴടങ്ങിയത്. മോഷണം നടത്തി പണം ഒളിപ്പിക്കാന്‍ കഴിയുന്നതിന് മുന്‍പ് തന്നെ വയോധിക കള്ളികളെ പിടികൂടി. തൊണ്ടിയും കണ്ടെത്തി. പൊലീസ് സ്റ്റേഷനിലെത്തിച്ചപ്പോള്‍ പഠിച്ച കള്ളികളാണെന്ന് മനസിലായി. കഴിഞ്ഞ ദിവസം ചങ്ങനാശേരി ബസ് സ്റ്റാന്‍ഡില്‍ നിന്ന് യാത്രക്കാരിയുടെ ബാഗില്‍ നിന്ന് 40,000 രൂപയും മൊബൈല്‍ ഫോണും അപഹരിച്ച അതേ മൂന്നംഗ സംഘമാണിതെന്ന് പൊലീസ് തിരിച്ചറിഞ്ഞു. തമിഴ്നാട് പളനി …

അടൂര്‍: ചവറ എംഎല്‍എ സുജിത് വിജയന്‍പിള്ളയുടെ പിതൃസഹോദരന്റെ മകനെ കാര്‍ തടഞ്ഞ് കൊള്ളയടിച്ചു. ഒരാളെ നാട്ടുകാര്‍ പിടികൂടി പൊലീസിന് കൈമാറി. മരുതിമൂട് പള്ളിക്ക് സമീപം വെള്ളിയാഴ്ച രാത്രി ഒമ്പതരയോടെയാണ് സംഭവം. സുജിത്തിന്റെ പിതാവ് വിജയന്‍ പിള്ളയുടെ അനുജന്‍ ചന്ദ്രന്‍ പിള്ളയുടെ മകന്‍ ശൈലേഷ് ചന്ദ്രന്‍പിള്ള ആണ് കൊള്ളയടിക്കപ്പെട്ടത്. പുനലൂരില്‍ ആക്സിസ് ബാങ്ക് മാര്‍ക്കറ്റിങ് വിഭാഗത്തില്‍ ജോലി ചെയ്യുന്ന ശൈലേഷ് വീട്ടിലേക്ക് മടങ്ങും വഴി കെപി റോഡില്‍ മരുതിമൂട് ജങ്ഷന് സമീപം വച്ച് ഒരാള്‍ കാറിന് കുറുകെ ചാടി. ശൈലേഷ് കാര്‍ വെട്ടിച്ചപ്പോള്‍ സമീപത്ത് പാര്‍ക്ക് …

അടൂര്‍: ഫേസ്ബുക്ക് മെസഞ്ചറിലൂടെ ഓര്‍ഡര്‍ എടുത്ത് വാറ്റു ചാരായം വിറ്റിരുന്ന ദമ്പതികളെ പൊലീസ് അറസ്റ്റ ചെയ്തു. ഓര്‍ഡര്‍ നല്‍കിയ സാധനം ഡെലിവറിക്ക് പോകുന്നതിനിടെയാണ് അറസ്റ്റ്. ആലപ്പുഴ തലവടി മൂലേപ്പടി കുറ്റിയില്‍ വീട്ടില്‍ ഷിബു മാത്യൂ(37), ഭാര്യ പാലക്കാട് കണ്ണപ്ര വളയം വീട്ടില്‍ സൗമ്യ (32) എന്നിവരാണ് അറസ്റ്റിലായത്. കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു. 16 ലിറ്റര്‍ ചാരായവും കണ്ടെടുത്തു. ഫേസ്ബുക്കില്‍ പരിചയപ്പെട്ട ഏനാത്ത് സ്വദേശിക്കുള്ള ചാരായവുമായി വരും വഴിയാണ് ഇവര്‍ പിടിയിലാകുന്നത്. പാലായില്‍ വാടകയ്ക്ക് താമസിക്കുന്ന ഇവര്‍ നിയമപ്രകാരം വിവാഹിതരാണോ എന്ന കാര്യം …

അടൂര്‍: വിവാഹം കഴിഞ്ഞ് 17-ാം വര്‍ഷം അധിക സ്ത്രീധനം ആവശ്യപ്പെട്ട് ഭാര്യയെ ഉപദ്രവിച്ച കേസില്‍ ഭര്‍ത്താവ് അറസ്റ്റില്‍. പറക്കോട് വടക്ക് കൊടുമണ്ണേത്ത് വീട്ടില്‍ ബിനു(40)-നെയാണ് അടൂര്‍ പോലീസ് അറസ്റ്റ് ചെയ്തത്. പറക്കോട് സ്വദേശിനിയായ ഭാര്യയുടെ പരാതിയിലാണ് അറസ്റ്റ്. ഇയാള്‍ സ്ഥിരമായി ഭാര്യയെ ഉപദ്രവിക്കാറുണ്ടായിരുന്നുവെന്ന് പോലീസ് പറഞ്ഞു. ഇതുമായി ബന്ധപ്പെട്ട് ഭാര്യയുടെ പരാതിയില്‍ പല തവണ പോലീസ് വിളിച്ചു വരുത്തി താക്കീത് ചെയ്ത് വിട്ടതുമാണ്. എന്നാല്‍ ഞായറാഴ്ച വീണ്ടും ബിനു ഭാര്യയെ ഉപദ്രവിച്ചു. സംഭവത്തില്‍ ഭാര്യയുടെ കൈവിരലിന് പൊട്ടല്‍ ഉണ്ടായി. 2004-ല്‍ ആണ് ഇവരുടെ വിവാഹം …

ശൂരനാട്: ഭര്‍ത്താവിന്റെ വീട്ടില്‍ ദുരൂഹസാഹചര്യത്തില്‍ യുവതി മരിച്ച സംഭവത്തില്‍ ഭര്‍ത്താവ് കസ്റ്റഡിയില്‍. പോരുവഴി അമ്പലത്തുംഭാഗം ചന്ദ്രവിലാസില്‍ അസി മോട്ടോര്‍ വെഹിക്കിള്‍ ഇന്‍സ്പെക്ടര്‍ കിരണ്‍(28)ആണ് പിടിയിലായത്. നിലമേല്‍ കൈതാകോട് സ്വദേശിനി വിസ്മയയാണ് ഈ വെളുപ്പിന് ഭര്‍ത്തൃഗൃഹത്തില്‍ മരിച്ചനിലയില്‍ കണ്ടെത്തിയത്. സ്ത്രീധനവുമായി ബന്ധപ്പെട്ട് പീഡനം നേരിട്ട വിസ്മയ ഇന്നലെ ഭര്‍ത്താവില്‍നിന്നും മര്‍ദ്ദനമേറ്റ വിവരം വീട്ടുകാരെ അറിയിച്ചിരുന്നു. പുലര്‍ച്ചെ മൂന്നുമണിയോടെയാണ് വിസ്മയയെ ശാസ്താംകോട്ടയിലെ സ്വകാര്യാശുപത്രിയില്‍ എത്തിക്കുന്നത്. വിസ്മയ ആശുപത്രിയിലെത്തുന്നതിന് ഏറെ നേരം മുമ്പ് മരണപ്പെട്ടതായി വിവരം ലഭിച്ചെന്ന് ബന്ധുക്കള്‍ ആരോപിച്ചു.വിസ്മയ വീടിനുമുകളിലെ ശുചിമുറിയില്‍ തൂങ്ങിനിന്നുവെന്നാണ് വീട്ടുകാര്‍ അറിയിച്ചത്. എന്നാല്‍ …