അടൂര്‍: ബൈ പാസില്‍ പ്രഭാത സവാരിക്കിറങ്ങിയ അടൂര്‍ മൂന്നാളം മനുവില്ലയില്‍ എം.കെ. നെല്‍സണ്‍ (62 ) വാഹനമിടിച്ചു മരിച്ചു. ഇന്നലെ പുലര്‍ച്ചെ 4.45 നാണ് സംഭവം. ഇടിച്ച വാഹനം നിര്‍ത്താതെ പോയി. ഇടിച്ചത് ലോറി ആണോ എന്ന് സംശയിക്കുന്നു. അടൂര്‍ ജനറല്‍ ആശുപത്രി എത്തിച്ചെങ്കിലും മരിച്ചു. ഭാര്യ. മനോരഞ്ജിനി നെല്‍സണ്‍ മക്കള്‍: നിഷി സനോജ്, സണ്ണി നെല്‍സണ്‍ മരുമകന്‍: സനോജ്
അടൂര്‍: ഓട്ടോറിക്ഷയില്‍ ബൈക്കിടിച്ച് യുവാവ് മരിച്ചു. ബൈക്ക് യാത്രികനായ മണക്കാല തുവയൂര്‍ വടക്ക് വിഷ്ണു നിവാസില്‍ വിഷ്ണു(26) ആണ് മരിച്ചത്.ഒപ്പം സഞ്ചരിച്ചിരുന്ന സഹോദരന്‍ മഹേഷ് (23)-നെ നിസ്സാര പരിക്കുകളോടെ അടൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. വ്യാഴാഴ്ച്ച രാത്രി 7.30-ന് ചൂരക്കോട് കളത്തട്ടു ജംങ്ഷനിലാണ് സംഭവം. അടൂരില്‍ നിന്നും ചൂരക്കോട് ഭാഗത്തേക്ക് വരുകയായിരുന്നു ബൈക്ക്. ഓട്ടോറിക്ഷ ചൂരക്കോട് ഭാഗത്തു നിന്നും അടൂരിലേക്ക് പോകുകയായിരുന്നു. അച്ഛന്‍: വിശ്വനാഥന്‍ പിള്ള, അമ്മ: ലത
അടൂര്‍: ഓടിക്കൊണ്ടിരുന്ന ബൈക്കിന് മുകളിലേക്ക് മരം കടപുഴകി ജന്മഭൂമി ലേഖകന്‍ മരിച്ചു. മേലൂട് പതിനാലാം മൈല്‍ കല്ലൂര്‍ പ്ലാന്തോട്ടത്തില്‍ പി.ടി. രാധാകൃഷ്ണ കുറുപ്പ് (59) ആണ് മരിച്ചത്. തിങ്കളാഴ്ച രാത്രി എട്ടുമണിയോടെ ചേന്നമ്പള്ളി ജങ്ഷന് പടിഞ്ഞാറ് വശത്ത് തടിമില്ലിന് സമീപം വച്ചാണ് അപകടമുണ്ടായത്. അടൂരില്‍ നിന്ന് വീട്ടിലേക്ക് പോവുകയായിരുന്നു രാധാകൃഷ്ണകുറുപ്പ്. വാകമരമാണ് കടപൂഴകി ബൈക്കിന് മുകളിലേക്ക് വീണത്. ബൈക്കില്‍ നിന്ന് തെറിച്ചു വീണ രാധാകൃഷ്ണന്റെ ഹെല്‍മറ്റും ഊരിപ്പോയി. തലയ്ക്ക് ഗുരുതരമായി പരുക്കേറ്റ നിലയില്‍ അടൂര്‍ ജനറല്‍ ആശുപത്രിയിലും അവിടെ നിന്ന് തിരുവല്ലയിലെ സ്വകാര്യ മെഡിക്കല്‍ …
തിരുവനന്തപുരം: മലയാളത്തിന്റെ അഭിനയപ്രതിഭ നെടുമുടി വേണു (73) ഓര്‍മയായി. ഇന്ത്യന്‍ സിനിമയിലെ തന്നെ പ്രതിഭാധനന്മാരായ അഭിനേതാക്കളില്‍ ഒരാളായി കണക്കാക്കപ്പെടുന്ന വേണു നാടകങ്ങളിലും അഞ്ഞൂറിലേറെ സിനിമകളിലും അഭിനയിച്ചിട്ടുണ്ട്. നായകനും വില്ലനും സ്വഭാവനടനുമൊക്കെയായി തിരശ്ശീലയില്‍ നിറഞ്ഞ വേണു കാരക്ടര്‍ റോളുകളും തമാശ വേഷങ്ങളും ഉള്‍പ്പെടെയെല്ലാം ഗംഭീരമായി അവതരിപ്പിച്ചു. അനന്യമായ അഭിനയ ശൈലിയും പ്രതിഭയും കൊണ്ട് ഇന്ത്യന്‍ സിനിമയിലെ തന്നെ എണ്ണംപറഞ്ഞ നടന്മാരിലൊരാളാകാന്‍ വേണുവിനു കഴിഞ്ഞു. ദേശീയ ചലച്ചിത്ര പുരസ്‌കാരം മൂന്നു വട്ടവും സംസ്ഥാന ചലച്ചിത്ര പുരസ്‌കാരം ആറുവട്ടവും ലഭിച്ചു. ഏതാനും ചിത്രങ്ങളുടെ രചനയും നിര്‍വഹിച്ചിട്ടുണ്ട്. ഭാര്യ: ടി.ആര്‍. …
കൊല്ലം: പ്രസവത്തെ തുടര്‍ന്നുണ്ടായ അമിത രക്തസ്രാവത്തില്‍ യുവതി മരിച്ചു. പ്രസവം നടത്തിയ ഓച്ചിറയിലെ സ്വകാര്യ ആശുപത്രിക്കെതിരെ ബന്ധുക്കള്‍ പൊലീസിനു പരാതി നല്‍കി. കൊറ്റമ്പള്ളില്‍ പത്മാലയത്തില്‍ സന്തോഷിന്റെ ഭാര്യ പൊന്നു (31)വാണ് ഇന്നലെ രാത്രി 11.45ന് കൊല്ലത്തെ സ്വകാര്യ മെഡിക്കല്‍ കോളജ് ആശുപത്രിയില്‍ വച്ചു മരിച്ചത്. പൊന്നുവിന്റെ രണ്ടാം പ്രസവമായിരുന്നു. ഇന്നലെ ഓച്ചിറയിലെ സ്വകാര്യ ആശുപത്രിയില്‍വച്ച് പൊന്നു ഒരു പെണ്‍കുഞ്ഞിന് ജന്മം നല്‍കി. എന്നാല്‍ അമിത രക്തസ്രാവം ഉണ്ടായാതിനെ തുടര്‍ന്ന് വൈകിട്ടോടെ സ്വകാര്യ മെഡിക്കല്‍ കോളജിലേക്ക് മാറ്റി. കുഞ്ഞ് കരുനാഗപ്പള്ളിയിലെ സ്വകാര്യ ആശുപത്രിയിലെ കുട്ടികളുടെ ഐസിയുവില്‍ …
മസ്‌കത്ത്: കുണ്ടറ, പേരയം സ്വദേശി ഗ്രേസ് കോട്ടേജില്‍ സെബാസ്റ്റ്യന്‍ ഐസക് മകന്‍ സാബു ഐസക് (46) ഹൃദയാഘാതം മൂലം അന്തരിച്ചു. അല്‍ നഖ്‌വാ എല്‍എല്‍സി എന്ന സ്ഥാപനം നടത്തിവരികയായിരുന്ന സാബു ഐസക് ഒരു മാസത്തില്‍ ഏറെയായി കോവിഡ് ബാധിച്ച് ചികിത്സയിലായിരുന്നു. പരിശോധനയില്‍ കോവിഡ് നെഗറ്റീവ് റിപ്പോര്‍ട്ട് ചെയ്തതിന്റെ അടിസ്ഥാനത്തില്‍ ഭൗതികശരീരം നാട്ടില്‍ കൊണ്ടു പോയി സംസ്‌കരിക്കുമെന്ന് ബന്ധപ്പെട്ടവര്‍ അറിയിച്ചു. മാതാവ്: പേരയം പഞ്ചായത്ത് വൈസ് പ്രസിഡന്റ് സോഫിയ ഐസ്‌ക്, ഭാര്യ: ജാക്വിലിന്‍ സാബു (മിനി). മക്കള്‍: നിമിത, നോയല്‍.
കോട്ടയം: മലങ്കര ഓർത്തഡോക്‌സ് സഭാ തലവൻ പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ കാലംചെയ്തു.പരുമല സെന്റ് ഗ്രിഗോറിയോസ് ആശുപത്രിയിൽ ചികിത്സയിലായിരുന്ന പരിശുദ്ധ ബാവായുടെ അന്ത്യം ഇന്നു പുലർച്ചെ 2.35ന് ആയിരുന്നു. പൗരസ്ത്യദേശത്തെ 91-ാം കാതോലിക്കായാണ് അദ്ദേഹം. 2020 ജനുവരിയിൽ അദ്ദേഹത്തിന് അർബുദം സ്ഥിരീകരിച്ചതിനെ തുടർന്ന് ചികിത്സ തേടി.കഴിഞ്ഞ ഫെബ്രുവരി 23 ന് കോവിഡ് പോസിറ്റീവായ അദ്ദേഹം രോഗമുക്തനായ ശേഷം അർബുദചികിത്സ തുടരുകയായിരുന്നു. 13 ന് രാവിലെ കാതോലിക്കേറ്റ് അരമന ദൈവാലയത്തിൽ കുർബാനയ്ക്കു ശേഷം പ്രത്യേകം തയാറാക്കിയ പന്തലിൽ ഭൗതികശരീരം പൊതുദർശനത്തിനു വയ്ക്കും. …
മസ്‌കത്ത്: കൊല്ലം അമ്പലത്തും ഭാഗം പോരുവഴി സ്വദേശി അവിട്ടം നിവാസില്‍ ശിവദാസന്‍ മകന്‍ സുനില്‍കുമാര്‍ (46) ഒമാനിലെ ഇബ്രിയിന്‍ കോവിഡ് ബാധിച്ച് മരിച്ചു. സുവൈക്കില്‍ ഡ്രൈവറായിരുന്നു. ഭാര്യ: ചന്ദ്രലേഖ സുനില്‍കുമാര്‍, മക്കള്‍: ശ്രീലാല്‍, ശ്രീവിദ്യ, ശ്രീലക്ഷ്മി. സഹോദരങ്ങള്‍: സുരേഷ്‌കുമാര്‍, സതീഷ് കുമാര്‍, സുഭാഷ് കുമാര്‍. സംസ്‌കാരം സോഹാറില്‍ നടത്തുമെന്ന് ബന്ധപ്പെട്ടവര്‍ അറിയിച്ചു.
കോട്ടയ്ക്കല്‍: ആയുര്‍വേദത്തെ ലോകത്തിന്റെ നെറുകയില്‍ എത്തിച്ച മഹാവൈദ്യനും കോട്ടയ്ക്കല്‍ ആര്യവൈദ്യശാല മാനേജിങ് ട്രസ്റ്റിയുമായ ഡോ. പി.കെ വാരിയര്‍(100) അന്തരിച്ചു. ശനിയാഴ്ച ഉച്ചയ്ക്ക് വസതിയായ കൈലാസ മന്ദിരത്തില്‍ വച്ചാണ് അന്ത്യം സംഭവിച്ചത്.ജൂണ്‍ എട്ടിനായിരുന്നു അദ്ദേഹം നൂറാം പിറന്നാള്‍ ആഘോഷിച്ചത്. 1999 ല്‍ പത്മശ്രീയും 2011 ല്‍ പത്മഭൂഷണും നല്‍കി രാജ്യം അദ്ദേഹത്തെ ആദരിച്ചു.ആയുര്‍വേദം ഒരു ചികിത്സാരീതി മാത്രമല്ല. അതില്‍ ജീവിതത്തിന്റെ പ്രകാശമുണ്ടെന്ന് വിശ്വസിച്ച കര്‍മനിരതനായ വ്യക്തിയായിരുന്നു അദ്ദേഹം.വൈദ്യത്തിന് മാനവികതയുടെ മുഖം നല്‍കുകയും കേരളത്തിന്റെ ചികിത്സാപെരുമ ലോകത്തിന്റെ നെറുകയില്‍ എത്തിക്കുകയും ചെയ്തു പി.കെ വാരിയര്‍ എന്ന വിശ്വപൗരന്‍. …
കൊട്ടാരക്കര: വീട്ടുമുറ്റത്ത് കളിച്ചു കൊണ്ടു നിന്ന രണ്ടര വയസുകാരി പാമ്പ് കടിയേറ്റു മരിച്ചു. കൊട്ടാരക്കര പള്ളിക്കല്‍ റാണി ഭവനത്തില്‍ രതീഷിന്റെയും ആര്‍ച്ചയുടെയും മകള്‍ നീലാംബരിയാണ് മരിച്ചത്. തിങ്കളാഴ്ച വൈകിട്ട് വീടിന്റെ ചവിട്ടുപടിക്കു മുന്നില്‍ കളിച്ചു നില്‍ക്കുകയായിരുന്നു കുട്ടി. മുത്തച്ഛന്‍ ശ്രീജയനും സമീപത്ത് ഉണ്ടായിരുന്നു. ഇതിനിടെയാണ് പാമ്പ് കടിയേറ്റത്. മതിലിനോടു ചേര്‍ന്ന ദ്വാരത്തിലേക്കു പാമ്പ് കയറുന്നത് വീട്ടുകാര്‍ കണ്ടു. കുട്ടിയുടെ കാലില്‍ കടിയേറ്റ പാട് കണ്ടതോടെ ഉടന്‍ കൊട്ടാരക്കര താലൂക്ക് ആശുപത്രിയിലെത്തിച്ചു. പ്രഥമ ശുശ്രൂഷയ്ക്ക് ശേഷം അവിടെ നിന്നും തിരുവനന്തപുരം മെഡിക്കല്‍ കോളജ് ആശുപത്രിയിലേക്കും കൊണ്ടുപോയി. …
